Gerbakstur snýst ekki um fullkomnun heldur um að prófa sig áfram. Hér eru lykilatriði sem hjálpa ykkur að byggja upp öryggi, ná betri árangri og læra að lesa í deigið.
Byrjið á að huga að vökvanum. Hitið vatn eða mjólk í um það bil 40–45°C ef þið notið þurrger og 37°C ef þið notið ferskt ger. Vökvinn á að vera heitur viðkomu en alls ekki svo heitur að hann geti brennt.
Notið fingurprófið: ef þið getið dýft fingri í vökvann og haldið honum þar án óþæginda, þá er hitinn góður.
Blandið gerinu fyrst saman við vökvann og bætið síðan öðrum hráefnum við samkvæmt uppskrift.
Hnoðið deigið í um það bil 8–15 mínútur með höndum eða 5–10 mínútur í hrærivél með hnoðkrók. Byrjið rólega og aukið síðan hraðann. Deigið á að vera slétt, teygjanlegt og aðeins klístrað. Við hnoð myndast glúten sem gefur brauðinu fullkomna áferð.
Hægt er að prófa sig áfram með mismunandi mjöltegundir t.d. að blanda saman hveiti og heilhveiti eða bæta smá rúg við. Þannig fæst líka dýpra bragð og meira að trefjum.
Til er einföld leið til að sjá hvort deigið er tilbúið. Togið lítið stykki af deiginu varlega í sundur með tveimur fingrum. Ef það þynnist án þess að rifna strax, þá er deigið nægilega vel hnoðað.
Þegar deigið er tilbúið, setjið það í skál og hyljið með viskastykki, plastfilmu eða loki. Þannig haldið þið í raka og komið í veg fyrir að deigið þorni að ofan.
Leyfið deiginu að hefast á hlýjum stað, þar sem ekki gustar um það, þar til það hefur tvöfaldast að stærð – oft tekur það 45 til 60 mínútur.
Takið ykkur tíma og sýnið deiginu þolinmæði. Þið fáið fallegra og bragðmeira brauð ef þið leyfið deiginu að hefast vel, jafnvel tvisvar.
Sumir kjósa að láta deigið hefast í ísskáp yfir nótt, það kallast kaldhefun. Kaldhefun gefur dýpra bragð og bætir áferðina.
Forhitið ofninn vel áður en þið bakið, yfirleitt í 220–250°C. Bakið brauðið á neðstu eða miðhillu og fylgist með lit og áferð. Þegar skorpan er gyllt og brauðið gefur frá sér holt hljóð þegar þið bankið létt á það, þá er það tilbúið.
Treystið á ykkur, fylgist með hvernig deigið hegðar sér og leyfið ykkur að gera mistök. Þannig lærið þið hvað hentar best. Þið þurfið ekki að vera sérfræðingar – bara tilbúin að byrja.
Í gerbakstri er gaman að prófa sig áfram með trefjaríkari pizzubotna, pítubrauð eða pizzasnúða.
Margir velta fyrir sér hvort matvæli séu örugg eftir að dagsetning á umbúðum rennur út. Að skilja muninn á „best fyrir“ og „síðasti notkunardagur“ getur sparað peninga, minnkað matarsóun og aukið öryggi.
Einfaldar aðferðir til að minnka sóun, nýta matinn betur og halda matarútgjöldum í skefjum – án þess að fórna gæðum eða bragði.
Aukefni eru efni sem eru bætt í matvæli til að bæta geymsluþol, áferð, lit, bragð eða öryggi. Flest aukefni eru því talin örugg við eðlilega neyslu en gott er þó að neyta þeirra í hófi og velja fjölbreytt og fersk matvæli reglulega.
Hér er það helsta sem gott er að vita um avókadó, hvað það inniheldur, hvernig má nota það og hvernig best er að skera það.
Með litlum breytingum er hægt að gera baksturinn aðeins næringarríkari án þess að fórna bragði eða stemningu.
Janúar er sem betur fer ekki eini mánuður ársins. Of oft setjum við allt undir í byrjun árs, keyrum okkur áfram af krafti og náum svo ekki að halda dampi út mánuðinn, hvað þá allt árið. Gott er að muna að árið samanstendur af tólf mánuðum og því engin þörf á að ætla sér allt í einu.
Mörg þeirra matvæla sem við borðum í dag eru kölluð gjörunnin matvæli, eða ultra-processed foods (UPF) á ensku. Hefurðu nokkru sinni velt því fyrir þér hvernig snakkpoki, orkustykki eða tilbúinn réttur verður til?
Hvað er glúten, hvernig myndast það og hverjir þurfa að forðast það? Hér finnur þú svörin.
Til að njóta á heilsusamlegri hátt er til að mynda hægt að velja léttari valkosti eða útfæra nýjar uppskriftir þar sem grænmeti, ávextir og heilkorna vörur ásamt baunum eru í forgrunni.
Ýmsar staðreyndir um hafra.
Hreyfing og næring fara vel saman – í tilefni af Hjólað í vinnuna hafa Gott og einfalt og ÍSÍ sett saman vikumatseðil með einföldum og næringarríkum máltíðum fyrir alla vikuna.
Ein einfaldasta leiðin til að bæta heilsu í gegnum mataræði er að borða heilkorn daglega. Heilkorn teljast til svokallaðra flókinna kolvetna og hafa verið vel rannsökuð. Rannsóknir sýna sterka fylgni milli reglulegrar neyslu heilkorns og bættrar langtímaheilsu.
Að sjóða egg virðist einfalt, en rétt eldun skiptir máli til að ná fullkominni áferð – hvort sem maður kýs að hafa eggin linsoðin, harðsoðin eða mitt á milli.
Hér má finna leiðbeiningar um hvaða skref þarf að taka til að sjóða fullkomlega „al dente” pasta.
Að sjóða hrísgrjón er einfalt þegar maður kann réttu skrefin. Á meðan þau malla í pottinum er oft hægt að skera grænmeti eða sinna öðrum þáttum í eldhúsinu.