Gerbakstur snýst ekki um fullkomnun heldur snýst hann meira um að prófa sig áfram. Hér eru lykilatriði sem geta hjálpað til við að byggja upp öryggi, ná betri árangri og að læra að lesa í deigið.
Byrjið á því að huga að vökvanum. Hitið vatn eða mjólk í um það bil 40–45°C ef þið notið þurrger og 37°C ef þið notið ferskt ger. Vökvinn á að vera heitur viðkomu en alls ekki svo heitur að hann geti brennt. Notið fingurprófið: ef þið getið dýft fingri í vökvann og haldið honum þar án óþæginda, þá er hitinn á vökvanum góður. Hægt er að prófa sig áfram með mjöl; blanda saman hveiti og heilhveiti og jafnvel rúg að hluta til. Þannig fæst dýpra bragð í brauðið auk þess að trefjar aukast.
Blandið gerinu fyrst saman við vökvann og bætið síðan öðrum hráefnum við samkvæmt uppskrift. Hnoðið deigið í um það bil 8–15 mínútur með höndum eða 5–10 mínútur í hrærivél með hnoðkrók (fyrst rólega og auka síðan hraðann). Deigið þarf að vera slétt, teygjanlegt og aðeins klístrað. Með því að hnoða deigið myndast glúten sem gefur brauðinu hina fullkomnu áferð.
Til er einföld aðferð til þess að sjá hvenær deigið er tilbúið og hvort að það hafi myndað nóg af glúteni. Hægt er að prófa að toga deigið upp með tveimur fingrum. Ef að deigið þynnist án þess að rifna að þá er deigið nægilega vel hnoðað.
Þegar deigið er tilbúið, setjið það í skál og hyljið það með viskastykki, plastfilmu eða loki. Þannig haldið þið í raka og hitastig og komið í veg fyrir að deigið þorni að ofan. Leyfið því að hefast á hlýjum stað þar sem gustar ekki um það þar til það hefur tvöfaldast að stærð – oft tekur það 45 til 60 mínútur.
Takið ykkur tíma og sýnið deiginu þolinmæði. Þið fáið fallegra og bragðmeira brauð ef þið leyfið deiginu að hefast vel, jafnvel tvisvar. Sumir kjósa að láta deigið hefast í ísskáp yfir nótt (kaldhefun) – það gefur dýpra bragð og bætir áferðina.
Forhitið ofninn vel áður en þið bakið, yfirleitt í 220–250°C. Bakið brauðið á neðstu eða miðhillu og fylgist með lit og áferð. Þegar skorpan er gyllt og hljóðið holt ef þið bankið létt á brauðið, þá er það tilbúið.
Treystið á ykkur, fylgist með hvernig deigið hegðar sér og leyfið ykkur að gera mistök. Þannig lærið þið hvað hentar best. Þið þurfið ekki að vera sérfræðingar – bara vera tilbúin að byrja.
Til að njóta á heilsusamlegri hátt er til að mynda hægt að velja léttari valkosti eða útfæra nýjar uppskriftir þar sem grænmeti, ávextir og heilkorna vörur ásamt baunum eru í forgrunni.
Jólin eru tími ljóss, friðar og hefða þar sem við njótum þess að elda, baka og skapa minningar með þeim sem okkur þykir vænt um.
Með leik má kveikja áhuga barna á mat. Hrekkjavakan snýst um fleira en hræðilega búninga – hún er líka tækifæri til að skapa stemningu, samveru og gleði í eldhúsinu.
Heilbrigð þarmaflóra er mikilvæg þegar kemur að meltingu, ónæmiskerfinu, hormónajafnvægi og andlegri líðan.
Janúar er sem betur fer ekki eini mánuðurinn. Of oft setjum við allt undir í byrjun árs, keyrum okkur áfram af krafti og finnum svo að við náum ekki að halda dampi út mánuðinn, hvað þá allt árið. Því er góð áminning að muna að árið samanstendur af tólf mánuðum, ekki bara einum og því hægt að dreifa markmiðum jafnt og þétt yfir þá alla.
Hugmyndir að hollu, næringarríku og góðu skólanesti fyrir mikilvægasta fólkið.
Grein fyrir alla þá sem vilja skilja hvað prótein er og gerir.
Trefjar eru nauðsynlegur hluti af hollu mataræði og hafa víðtæk, jákvæð áhrif á heilsuna. Þrátt fyrir að líkaminn melti ekki trefjar eins og önnur kolvetni, þá gegna þær mikilvægu hlutverki í meltingu, blóðsykurstjórnun og hafa jákvæð áhrif á hjarta- og æðakerfið. Því er vert að huga að nægilegri trefjainntöku til að stuðla að betri líðan og langtímaheilbrigði.
Börn kjósa mat sem þau þekkja og treysta, en forðast oft beiskt bragð eins og í brokkolíi eða káli. Því er matvendni oft eðlilegur partur af uppvextinum. Góðu fréttirnar eru: smekkur þeirra þroskast með tíma og ekki síst æfingu.
Hvað er glúten, hvernig myndast það og hverjir þurfa að forðast það? Hér finnur þú svörin.
Skráargatið er opinbert norrænt matvælamerki sem auðkennir matvörur sem eru hollari valkostir og innihalda m.a. hollari fitu, minna af viðbættum sykri og salti, en meira af trefjum og heilkorni en sambærilegar vörur.
Smoothieskálar geta verið mjög næringarríkar máltíðir þar sem prótein, góðar fitur og trefjar sameinast í fallega, litríka og bragðgóða skál.
Margir velta fyrir sér hvort matvæli séu örugg eftir að dagsetning á umbúðum rennur út. Að þekkja muninn á „best fyrir“ og „síðasti notkunardagur“ getur bæði sparað peninga, minnkað matarsóun og aukið öryggi.
Fyrstu árin eru mjög mikilvæg fyrir mótun matarsmekks og matarvenja barna. Matur og drykkir ættu að veita nauðsynlega næringu til vaxtar og þroska, auk þess að stuðla að góðri orku, úthaldi og vellíðan í daglegu lífi.
Einfaldar aðferðir til að minnka sóun, nýta matinn betur og halda matarútgjöldum í skefjum – án þess að fórna gæðum eða bragði.
Matarsóun á heimilum er margþætt og getur tengst því hvernig við skipuleggjum innkaup, geymum og eldum mat, og nýtum afganga. Hér eru hagnýt ráð sem hjálpa þér að skoða eigin venjur – og mögulega draga úr matarsóun.
Aukefni eru efni sem eru bætt í matvæli til að bæta geymsluþol, áferð, lit, bragð eða öryggi. Flest aukefni eru því talin örugg við eðlilega neyslu en gott er þó að neyta þeirra í hófi og velja fjölbreytt og fersk matvæli reglulega.
Það helsta sem gott er að vita um avókadó eins og hvað það inniheldur, hvað er best að nota það í og hvernig er best að skera það.
Ein einfaldasta leiðin til að bæta heilsu í gegnum mataræði er að borða heilkorn daglega. Heilkorn teljast til svokallaðra flókinna kolvetna og hafa verið vel rannsökuð. Rannsóknir sýna sterka fylgni milli reglulegrar neyslu heilkorns og bættrar langtímaheilsu.
Mörg þeirra matvæla sem við borðum í dag eru oft kölluð gjörunnin matvæli , eða ultra-processed foods (UPF) á ensku. Hefurðu nokkru sinni velt því fyrir þér hvernig snakkpoki, orkustykki eða tilbúinn réttur verður til?
Með því að borða fjölbreytta, litríka og trefjaríka fæðu, drekka nægan vökva og skilja betur hvernig meltingin okkar virkar, getum við stutt við eigið heilbrigði og vellíðan.
Ýmsar staðreyndir um hafra.
Einföld uppskrift að kókosrjóma sem hentar vel með ávöxtum, á vöffluna, með hrákökunni eða í stað hefðbundins rjóma í eftirrétti.
Að sjóða egg virðist einfalt, en rétt eldun skiptir máli til að ná fullkominni áferð – hvort sem maður kýs að hafa eggin linsoðin, harðsoðin eða mitt á milli.
Gerbakstur þarf ekki að vera flókinn. Ef þið fylgið nokkrum einföldum skrefum getið þið auðveldlega bakað ykkar eigið brauð.
Að sjóða hrísgrjón er einfalt þegar maður kann réttu skrefin. Á meðan þau malla í pottinum er oft hægt að skera grænmeti eða sinna öðrum þáttum í eldhúsinu.
Ráðleggingar um mataræði frá embætti landlæknis leggja áherslu á fjölbreytt og næringarríkt mataræði, meira grænmeti, ávexti og heilkorn, fjölbreytta próteingjafa og reglulegar máltíðir ásamt mjög hóflegri neyslu sykurs, salts og unninna matvæla.
Hér má finna leiðbeiningar um hvaða skref þarf að taka til að sjóða fullkomlega „ al dente ” pasta.