„Best fyrir“ & „síðasti notkunardagur“
Margir velta fyrir sér hvort matvæli séu örugg eftir að dagsetning á umbúðum rennur út. Að skilja muninn á „best fyrir“ og „síðasti notkunardagur“ getur sparað peninga, minnkað matarsóun og aukið öryggi.
Hrekkjavaka snýst um fleira en ógnvekjandi búninga og sælgæti. Hún er líka skemmtilegt tækifæri til að skapa góða stemningu og leyfa hugmyndafluginu að njóta sín í eldhúsinu.
Sterkir litir, óvenjuleg form og þátttaka í eldhúsinu höfða gjarnan til barna. Þegar þau fá að hjálpa til og breyta kunnuglegum hráefnum í drauga, grasker eða skrímsli getur forvitni um mat vaknað á eðlilegan og jákvæðan hátt.
Litríkir ávaxta- og grænmetisbakkar og „skrímslalegur“ matur geta gert næringarríkan mat bæði spennandi og skemmtilegan.
Sjóðið heilhveiti- eða baunapasta og skerið sveppi í hauskúpuform. Salsasósa eða tómatasósa passar vel með og setur blóðugan hrekkjavökusvip á réttinn. Hauskúpusveppina má einnig nota á föstudagspizzuna.
Einfalt er að búa til skrímslaaugu úr mozzarellaosti og sneiðum af svörtum ólífum.
Klassísk graskerssúpa skreytt með drauga- eða köngulóamynstri úr sýrðum rjóma eða kókosrjóma, er sömuleiðis tilvalin á hrekkjavöku.
Hægt er að breyta allskonar grænmeti og ávöxtum í ýmsar furðuverur og skrímsli. Nota má fræ eða möndluflögur sem tennur, teikna andlit með súkkulaði eða sósum og búa til tungur úr sneiddum jarðarberjum eða gúrku.