Konfektgerð getur verið notaleg samverustund yfir hátíðarnar og hjá mörgum er heimatilbúið konfekt hluti af jólahaldinu. En hvernig má gera konfektið aðeins næringarríkara? Oft þarf ekki annað en að nota fjölbreytt hráefni sem gefa gott bragð, skemmtilega áferð og um leið meiri næringu.
Konfekt býður upp á ótal möguleika. Hnetur, möndlur, fræ, hafrar, kókosmjöl og þurrkaðir ávextir gefa mismunandi bragð og áferð og bæta jafnframt trefjum, vítamínum og steinefnum við konfektið.
Til dæmis má nota:
Dökkt súkkulaði inniheldur að jafnaði meira kakó og minna af sykri en mjólkursúkkulaði. Kakóið gefur djúpt og örlítið beiskt bragð sem passar vel með hnetum, þurrkuðum ávöxtum og kryddi.
Fyrir þá sem vilja mildara bragð má blanda saman dökku súkkulaði og mjólkursúkkulaði. Gott getur verið að byrja á helmingi af hvoru og prófa sig síðan áfram.
Örlítið sjávarsalt getur dregið fram bragðið af súkkulaði, hnetum og öðrum hráefnum.
Maukaðar döðlur, rúsínur og aðrir þurrkaðir ávextir geta gefið konfekti bæði sætu og mjúka áferð. Þeir innihalda sykur en jafnframt trefjar og ýmis vítamín og steinefni.
Maukaður banani og eplamauk geta einnig hentað í mjúkar fyllingar og gefið raka, sætu og ávaxtabragð. Þar sem þau innihalda mikinn vökva geta þau þó breytt áferðinni og stytt geymsluþolið. Slíkt konfekt þarf að geyma í kæli og er best að borða fljótlega.
Hunang og hlynsíróp gefa sætu og einkennandi bragð en teljast, líkt og venjulegur sykur, til viðbætts sykurs. Þau innihalda einnig vökva og koma því ekki alltaf beint í stað sykurs án þess að uppskriftin sé aðlöguð.
Mismunandi sykurtegundir gefa ólíkt bragð og áferð, en næringarlega séð skiptir magn viðbætts sykurs yfirleitt meira máli en hvaða tegund er valin.
Hefðbundið konfekt og næringarríkari útfærslur geta vel farið saman. Með því að nota hnetur, fræ, hafra eða þurrkaða ávexti má auka fjölbreytni og næringargildi, en konfekt er áfram sætt góðgæti sem nýtur sín vel yfir hátíðarnar. Á sama bakka geta verið gamlar uppáhalds konfektuppskriftir í bland við döðlukúlur, súkkulaðihúðaðar hnetur og aðrar nýjar tilraunir.
Best er að byrja á einföldum breytingum og leyfa bragðinu að ráða för. Þannig verður konfektgerðin áfram skemmtileg, fjölbreytt og notalegur hluti hátíðanna.
Margir velta fyrir sér hvort matvæli séu örugg eftir að dagsetning á umbúðum rennur út. Að skilja muninn á „best fyrir“ og „síðasti notkunardagur“ getur sparað peninga, minnkað matarsóun og aukið öryggi.
Vantar hugmyndir í nestisboxið? Hér eru 25 einfaldar og fjölbreyttar hugmyndir sem hægt er að blanda saman eftir smekk, aldri, matarlyst og þörfum barna – eða fullorðinna.
Einfaldar aðferðir til að minnka sóun, nýta matinn betur og halda matarútgjöldum í skefjum – án þess að fórna gæðum eða bragði.
Aukefni eru efni sem eru bætt í matvæli til að bæta geymsluþol, áferð, lit, bragð eða öryggi. Flest aukefni eru því talin örugg við eðlilega neyslu en gott er þó að neyta þeirra í hófi og velja fjölbreytt og fersk matvæli reglulega.
Hér er það helsta sem gott er að vita um avókadó, hvað það inniheldur, hvernig má nota það og hvernig best er að skera það.
Janúar er sem betur fer ekki eini mánuður ársins. Of oft setjum við allt undir í byrjun árs, keyrum okkur áfram af krafti og náum svo ekki að halda dampi út mánuðinn, hvað þá allt árið. Gott er að muna að árið samanstendur af tólf mánuðum og því engin þörf á að ætla sér allt í einu.
Litlar venjur í daglegu lífi geta haft mikil áhrif á matarvenjur barna og samband þeirra við mat. Hér eru einföld ráð um hollara matarumhverfi, næringarríkan mat og mikilvægi fjölskyldumáltíða.
Mörg börn eru varkár þegar kemur að nýjum mat. Hér eru ráð sem geta hjálpað börnum að þróa fjölbreyttari matarvenjur á sínum hraða.
Mörg þeirra matvæla sem við borðum í dag eru kölluð gjörunnin matvæli, eða ultra-processed foods (UPF) á ensku. Hefurðu nokkru sinni velt því fyrir þér hvernig snakkpoki, orkustykki eða tilbúinn réttur verður til?
Hvað er glúten, hvernig myndast það og hverjir þurfa að forðast það? Hér finnur þú svörin.
Til að njóta á heilsusamlegri hátt er til að mynda hægt að velja léttari valkosti eða útfæra nýjar uppskriftir þar sem grænmeti, ávextir og heilkorna vörur ásamt baunum eru í forgrunni.
Hafrar eru næringarrík korntegund en hafa bæði fengið gott og slæmt umtal. Hér skoðum við hvað þeir innihalda og hvort við þurfum í raun að hafa áhyggjur af því að borða þá.
Hafrar eru trefjaríkir og geta haft áhrif á meltingu. Hér er það helsta sem þarf að vita.
Hreyfing og næring fara vel saman – í tilefni af Hjólað í vinnuna hafa Gott og einfalt og ÍSÍ sett saman vikumatseðil með einföldum og næringarríkum máltíðum fyrir alla vikuna.
Ein einfaldasta leiðin til að bæta heilsu í gegnum mataræði er að borða heilkorn daglega. Heilkorn teljast til svokallaðra flókinna kolvetna og hafa verið vel rannsökuð. Rannsóknir sýna sterka fylgni milli reglulegrar neyslu heilkorns og bættrar langtímaheilsu.