Hafrar eru trefjaríkir og geta haft áhrif á meltingu. Ef meltingarkerfið er óvant trefjum, til dæmis úr höfrum, getur það valdið tímabundinni uppþembu, meltingartruflunum eða óþægindum í maga.
Þetta er eðlileg aðlögun. Þarmaflóran þarf tíma til að venjast auknu trefjamagni og það gerist oftast á um það bil einni viku, þó það geti verið breytilegt eftir einstaklingum.
Uppþemba eða óþægindi geta komið fram þegar trefjaneysla eykst – það er eðlilegt og gengur yfir hjá flestum.
Gott er að bæta trefjum inn í mataræðið smám saman, sérstaklega ef fæðan hefur ekki verið trefjarík áður. Þannig fær líkaminn svigrúm til að aðlagast breytingunni án óþæginda.
Bætið trefjum inn smám saman – þá aðlagast líkaminn betur.
Hafrar eru mjög fjölhæfir og auðvelt er að nota þá á marga mismunandi vegu. Hægt er að búa til ýmsar bragðgóðar og næringarríkar máltíðir sem auka trefjainnihald dagsins, til dæmis hafragraut, hafrabrauð, hafravöfflur eða hafraklatta.
Hafrar passa vel með kryddum eins og kanil, negul og vanillu, en líka með kakói, döðlum, berjum, ávöxtum og hnetusmjöri. Hafrar eru líka frábær viðbót í smoothie eða smoothie-skálar, og jafnvel út í eggjaköku fyrir þá sem vilja auka trefjar í máltíðinni.
Einfalt er að bæta próteini við hafrarétti, til dæmis með skyri eða eggjum, og toppa með hnetum, fræjum og ávöxtum til að fá vel samsetta máltíð.
Hafrar eru einföld og góð leið til að auka trefjar í mataræðinu.
Margir velta fyrir sér hvort matvæli séu örugg eftir að dagsetning á umbúðum rennur út. Að skilja muninn á „best fyrir“ og „síðasti notkunardagur“ getur sparað peninga, minnkað matarsóun og aukið öryggi.
Einfaldar aðferðir til að minnka sóun, nýta matinn betur og halda matarútgjöldum í skefjum – án þess að fórna gæðum eða bragði.
Aukefni eru efni sem eru bætt í matvæli til að bæta geymsluþol, áferð, lit, bragð eða öryggi. Flest aukefni eru því talin örugg við eðlilega neyslu en gott er þó að neyta þeirra í hófi og velja fjölbreytt og fersk matvæli reglulega.
Hér er það helsta sem gott er að vita um avókadó, hvað það inniheldur, hvernig má nota það og hvernig best er að skera það.
Með litlum breytingum er hægt að gera baksturinn aðeins næringarríkari án þess að fórna bragði eða stemningu.
Janúar er sem betur fer ekki eini mánuður ársins. Of oft setjum við allt undir í byrjun árs, keyrum okkur áfram af krafti og náum svo ekki að halda dampi út mánuðinn, hvað þá allt árið. Gott er að muna að árið samanstendur af tólf mánuðum og því engin þörf á að ætla sér allt í einu.
Mörg þeirra matvæla sem við borðum í dag eru kölluð gjörunnin matvæli, eða ultra-processed foods (UPF) á ensku. Hefurðu nokkru sinni velt því fyrir þér hvernig snakkpoki, orkustykki eða tilbúinn réttur verður til?
Hvað er glúten, hvernig myndast það og hverjir þurfa að forðast það? Hér finnur þú svörin.
Til að njóta á heilsusamlegri hátt er til að mynda hægt að velja léttari valkosti eða útfæra nýjar uppskriftir þar sem grænmeti, ávextir og heilkorna vörur ásamt baunum eru í forgrunni.
Hafrar eru næringarrík korntegund en hafa bæði fengið gott og slæmt umtal. Hér skoðum við hvað þeir innihalda og hvort við þurfum í raun að hafa áhyggjur af því að borða þá.
Hafrar eru trefjaríkir og geta haft áhrif á meltingu. Hér er það helsta sem þarf að vita.
Hreyfing og næring fara vel saman – í tilefni af Hjólað í vinnuna hafa Gott og einfalt og ÍSÍ sett saman vikumatseðil með einföldum og næringarríkum máltíðum fyrir alla vikuna.
Ein einfaldasta leiðin til að bæta heilsu í gegnum mataræði er að borða heilkorn daglega. Heilkorn teljast til svokallaðra flókinna kolvetna og hafa verið vel rannsökuð. Rannsóknir sýna sterka fylgni milli reglulegrar neyslu heilkorns og bættrar langtímaheilsu.
Að sjóða egg virðist einfalt, en rétt eldun skiptir máli til að ná fullkominni áferð – hvort sem maður kýs að hafa eggin linsoðin, harðsoðin eða mitt á milli.
Hér má finna leiðbeiningar um hvaða skref þarf að taka til að sjóða fullkomlega „al dente” pasta.