Tempeh búddaskál

Takið utan af hvítlauk og saxið eða pressið. Blandið hvítlauk, tamarisósu, hrísgrjónaediki, hlynsírópi og srirachasósu saman í stóra skál og hrærið vel saman.

Skerið tempeh í miðlungsstóra teninga eða þríhyrninga og setjið í skál með marineringunni. Látið marinerast í 15 til 30 mínútur og snúið bitunum einu sinni á meðan.

Sjóðið hrísgrjón samkvæmt leiðbeiningum á pakkningum, oft í um 10-30 mínútur. Sjá nánari eldunarleiðbeiningar á hrísgrjónum hér.

Skolið og skerið rauðkál, gúrkur, gulrætur og radísur í strimla eða sneiðar. Skerið avókadó til helminga, sjá nánar um meðhöndlun á avókadó.

Sjóðið edamame baunir í litlum potti með vatni í um 5 mínútur. Hellið vatninu frá og látið baunirnar kólna.

Hitið olíu á pönnu við meðalhita og steikið tempeh-bitana á öllum hliðum í um 7 til 8 mínútur eða þar til þeir eru orðnir gullinbrúnir. Geymið marineringuna í skálinni.

Bætið marineringunni út á pönnuna ásamt maíssterkju og smá vatni (um 1 msk fyrir 2 skammta, ef þarf) og hrærið vel saman. Látið sjóða við meðalhita í 1 til 2 mínútur eða þar til sósan hefur þykknað lítillega.

Setjið soðin hrísgrjón, niðurskorið rauðkál, gúrku, gulrætur, radísur, hálft avókadó og edamame-baunir í skálar. Bætið tempeh-bitum og smá sósu í skálina og stráið að lokum sesamfræjum yfir.