Stökkar kjúklingabaunir

Forhitið ofn í 200°C blástur.

Skolið kjúklingabaunirnar vel og þerrið með eldhúspappír eða hreinu viskustykki þar til þær eru alveg þurrar. Þetta skref er lykillinn að stökkum baunum.

Fjarlægið laust hýði af kjúklingabaununum ef það hefur losnað eða losnar auðveldlega. 

Hrærið saman í skál olíu, paprikukryddi, reyktri papriku, hvítlauksdufti, chillídufti og salti. Bætið baununum út í og hrærið varlega með skeið þar til þær hjúpast jafnt.

Dreifið baununum jafnt á bökunarplötu klædda bökunarpappír.

Bakið kjúklingabaunirnar í 30–40 mínútur, þar til þær eru gullinbrúnar og stökkar. Hristið plötuna eða hrærið í þeim á 15 mínútna fresti til að tryggja jafna bökun og passið að þær brenni ekki.

Takið kjúklingabaunirnar úr ofninum og leyfið þeim að kólna í 5–10 mínútur á ofnplötunni því þá verða þær enn stökkari. Piprið eftir smekk.