Einfaldur og bragðgóður pottréttur sem fær að malla í pottinum með lítilli fyrirhöfn.
Sjóðið hrísgrjónin samkvæmt leiðbeiningum á pakkningunni, yfirleitt í 10–30 mínútur. Sjá nánari upplýsingar um eldun hrísgrjóna.
Skrælið sætar kartöflur og takið utan af lauk. Skolið blómkál, papriku og tómata vel. Skerið allt saman í bita.
Hitið olíu á pönnu eða í potti sem rúmar allan réttinn. Steikið laukinn við meðalhita í 2–3 mínútur, þar til hann verður mjúkur og glær.
Bætið við sætum kartöflum og blómkáli og steikið áfram í 5 mínútur.
Hellið kókosmjólk og vatni út í pottinn. Bætið karríi, óreganó, timían, chilidufti, hnetusmjöri, salti og pipar út í. Hrærið vel saman.
Lækkið hitann og látið malla í 15–20 mínútur eða þar til grænmetið er mjúkt.
Skolið aduki-baunirnar vel í sigti undir köldu vatni. Bætið baununum ásamt papriku og tómötum út í pottinn og hitið í 3–5 mínútur til viðbótar.
Skolið gúrkuna og kóríanderið. Takið hýðið af mangóinu. Skerið gúrku og mangó í litla bita og kreistið safann úr límónunni yfir. Fínsaxið kóríander og salthnetur og blandið saman við.
Berið hnetusmjörspottréttinn fram með hýðishrísgrjónum og fersku gúrku- og mangósalsa.
Það er óþarfi að hlaupa út í búð fyrir einstaka hráefni – notið þau krydd og grænmeti sem til eru og aðlagið eftir þörfum. Salsað má útfæra á marga vegu, til dæmis með ananas í stað mangós eða bara með gúrku og límónu. Mikilvægast er að njóta þess að elda og næra sig vel.
Höfundur
Arna Engilbertsdóttir
