Lasagna sem kitlar bragðlaukana! Fullkomið bæði sem hversdagsmatur og í matarboð - nærandi og ómótstæðilega gott.
Hitið ofninn í 180°C.
Takið hýðið af lauknum og fínsaxið. Skolið gulrætur og sellerí og skerið í smáa bita.
Setjið örlítið af olíu í pott og steikið lauk, gulrætur og sellerí við meðalhita í 5–10 mínútur eða þar til grænmetið er mjúkt og farið að ilma.
Skolið rauðar linsubaunir í sigti með köldu vatni. Hellið öllu vatni frá og bætið þeim út í pottinn ásamt tómatpassata og vatni. Kryddið með ítalskri kryddblöndu, smá salti og pipar. Látið malla við meðalhita í um 20 mínútur eða þar til linsurnar eru orðnar mjúkar.
Skolið eggaldinið og skerið í mjög þunnar sneiðar með mandólínjárni eða beittum hníf.
Skolið basilíku og klettasalat og látið þorna. Takið hýðið af hvítlauknum og saxið gróflega.
Setjið basilíku, klettasalat, hvítlauk, furuhnetur og afganginn af olíunni í matvinnsluvél eða litla hakkavél og maukið þar til allt hefur blandast vel saman.
Blandið hampfræjunum ásamt tæplega helmingnum af saltinu saman í skál.
Raðið lasagnanu saman í eldfast mót í lögum. Byrjið á linsubaunafyllingu, leggið síðan lasagnaplötur, þá eggaldinsneiðar, möndlu-ricotta, grænt pestó og hemp parm. Endurtakið lögin 2–3 sinnum, eftir stærð formsins og endið á því að strá hemp parm yfir.
Bakið lasagnað í 30 mínútur eða þar til það er gullið á lit og eldað í gegn. Gott er að bera fram með ferskri basilíku.
Í lasagna er tilvalið að nýta þau hráefni sem eru til á heimilinu. Ef hampfræ eru ekki til má nota parmesan, rifinn ost eða næringarger í staðinn. Í stað möndlu-ricotta má nota hefðbundinn ricotta eða kotasælu. Kasjúhnetur má líka nota í stað furuhneta í pestóið – og svo má halda áfram að aðlaga eftir því sem við á.
Hægt er að gera flest í uppskriftinni frá grunni en einnig má stytta sér leið með tilbúnu pestói og laga að með því hráefni sem er við höndina.
Höfundur
Arna Engilbertsdóttir1 g þurrar linsur eru um 2,6 g soðnar linsur.
