Stútfullur pottur af grænmeti, mildum kryddum og smá túrmeriki – einföld, nærandi og saðsöm máltíð.
Hreinsið púrrulauk og skerið í litlar sneiðar. Takið hýðið af hvítlauk og saxið smátt. Skolið sellerí og gulrætur og skerið þunnt. Skerið hvítkál í fíngerða strimla. Saxið frosnar belgbaunir gróft. Skolið kartöflurnar, skrælið gulrófurnar og skerið bæði í litla teninga.
Hitið olíu í potti yfir miðlungsháum hita.
Bætið púrrulauk og hvítlauk í pottinn og steikið í 2–4 mínútur eða þar til allt er orðið mjúkt.
Hækkið hitann og bætið selleríi, gulrótum, hvítkáli, belgbaunum, kartöflum og gulrófum út í. Hellið síðan vatni, niðursoðnum tómötum og sítrónusafa í pottinn og bætið við kryddblöndu, túrmerikdufti, grænmetiskrafti, salti og pipar.
Fáið suðuna upp, lækkið þá hitann aftur í miðlungsháan og leyfið súpunni að sjóða á vægum hita í um 30 mínútur. Hrærið í öðru hvoru.
Smakkið og bætið við eftir smekk salti, pipar, sítrónusafa eða öðrum kryddum.
Þessi súpa er mjög einföld því það þarf lítið annað að gera en að skera grænmetið, setja í pott og láta malla í um 30 mínútur.
Að elda súpu eins og þessa er frábær leið til að sleppa búðarferðinni og nýta það sem til er í ísskápnum. Upplagt er að gera stóran skammt því súpan verður oft enn betri daginn eftir.
Höfundur
Arna Engilbertsdóttir
