Ljúffengar heilkornavefjur með bragðmikilli baunafyllingu – fullkomnar í hádegis- eða kvöldmat. Frábærar fyrir grænmetisunnendur og þá sem vilja meiri næringu og trefjar.
Hellið vökvanum af baununum og skolið þær vel með köldu vatni, í sigti eða beint í dósinni. Þerrið þær létt með pappírsþurrku eða hreinu viskustykki.
Fjarlægið hýðið af hvítlauknum og saxið hann smátt eða pressið. Kreistið safann úr sítrónunni í litla skál.
Setjið baunirnar í skál ásamt hvítlauk, sítrónusafa, salti, broddkúmeni, paprikukryddi, vatni og olíu. Blandið vel saman og smakkið til með kryddum, sítrónusafa og hvítlauk.
Skolið gúrku, gulrætur, papriku og kínakál og skerið í þunnar ræmur. Skolið spínatið. Saxið sólþurrkuðu tómatana niður.
Hitið vefjurnar örstutt á heitri pönnu (sjá einnig vefjuuppskrift hér). Baunafyllinguna má einnig velgja í potti en það er í góðu lagi að nota hana kalda.
Setjið fyrst baunafyllingu á vefjuna, dreifið síðan grænmeti yfir og endið á fínsöxuðum sólþurrkuðum tómötum. Rúllið vefjunni upp og berið fram.
Gott er að nota það grænmeti sem til er á heimilinu í vefjuna eða skera auka grænmeti og hafa á sér disk til að narta í, sérstaklega ef það eru börn á heimilinu. Einnig er hægt að rífa niður smá ost eins og parmesan og bera fram með vefjunum og salsasósa passar sömuleiðis fullkomlega við réttinn. Baunafyllingin er einnig dásamleg sem álegg í heilkornasamlokur.
Höfundur
Fuldkornspartnerskabet
