Einfalt og ferskt salat með tómötum og lárperu, létt kryddað með sítrónu. Hentar vel sem meðlæti eða létt máltíð.
Skolið tómata og skerið í báta. Skolið papriku og saxið smátt. Sneiðið vorlauk í þunnar sneiðar og skolið klettasalat.
Veljið þroskað avókadó, mjúkt viðkomu en stinnt. Skerið í tvennt, takið steininn úr og fjarlægið hýðið, t.d. með stórri skeið. Skerið í munnbita. Sjá nánari upplýsingar um meðhöndlun á avókadó.
Blandið öllu skorna grænmetinu saman í skál ásamt rúsínunum.
Kreistið sítrónu og setjið safann í skál eða krukku. Bætið við ólífuolíu, hlynsírópi, pipar og salti. Hristið eða hrærið vel saman.
Rétt áður en salatið er borið fram hellið dressingunni yfir salatið og blandið vel saman. Einnig hægt að bera dressinguna fram til hliðar.
Gott er að bæta stökkum graskersfræum, ferskum kryddjurtum og smá fetaosti út í salatið til að auka bragð og áferð. Berið salatið fram með grófu brauði eða sem meðlæti t.d. með steiktum kjúklingi eða fiski.
Avókadó er gott að geyma í ísskáp um leið og þau eru orðin aðeins mjúk, þannig endast þau aðeins lengur.
Höfundur
Af bestu lyst
