Mjúkt og trefjaríkt indverskt flatbrauð sem passar vel með súpum, salötum og sem meðlæti með ýmsum réttum.
Undirbúningurinn felst að mestu í biðtíma.
Setjið heilhveiti, hveiti og salt í stóra skál og blandið vel saman með skeið eða sleif.
Hrærið rólega, annaðhvort með höndunum eða í hrærivél, og bætið vatninu smám saman út í.
Hnoðið þar til deigið er mjúkt og teygjanlegt, í um 10-15 mínútur (má vera lengur).
Leyfið deiginu að taka sig í kæli í um 20-30 mínútur ef tími gefst til. Það hjálpar varðandi áferð og meðhöndlun en er ekki nauðsynlegt.
Skiptið deiginu í passlega marga búta og fletjið hvern bút út með kökukefli í hringlaga brauð á hveitistráðu borði.
Finnið til pönnu sem hentar t.d. pönnukökupönnu. Stillið helluna á meðalháan hita. Bakið brauðin á heitri og þurri pönnunni í um 1-2 mínútur á hvorri hlið.
Leggið steiktu brauðin á flatan disk eða bakka og breiðið hreint viskastykki yfir á meðan restin er bökuð.
Höfundur
Gott og einfalt
