Kartöflusalat með ristuðum kartöflum og kryddjurtadressingu sem hentar vel sem meðlæti með grillmat eða fiski.
Hitið ofninn í 225°C.
Skolið kartöflur og skerið þær stærri í helminga eða fjóra bita. Setjið á bökunarplötu.
Hellið smá olíu (um 1 msk miðað við uppskrift fyrir tvo) yfir og kryddið með salti og pipar. Blandið vel saman með höndum eða skeið.
Ristið kartöflurnar í miðjum ofni í um 25–30 mínútur þar til þær eru mjúkar og fá fallegan lit. Látið kólna aðeins.
Skolið steinselju og timían og afhýðið hvítlauk. Setjið steinselju, timían, hvítlauk og afganginn af olíunni í matvinnsluvél og maukið þar til úr verður græn dressing. Einnig er hægt að setja allt í mortél og kremja vel saman þar til úr verður dressing.
Rífið parmesanostinn fínt með rifjárni og bætið honum saman við kryddjurtadressinguna. Kryddið með pipar eftir smekk.
Hellið kryddjurtadressingunni yfir kartöflurnar og veltið varlega saman.
Þetta salat er gott bæði volgt og kalt og má auðveldlega aðlaga eftir því sem til er á heimilinu, til dæmis með því að bæta við ristuðu grænmeti, grænum baunum eða smá fetaosti.
Salatið hentar vel sem meðlæti með fiski, kjúklingi eða grilluðu grænmeti eða kjöti og hentar sömuleiðis með góðu grænmetsibuffi og fersku salati.
Höfundur
Hjärt-Lungfonden
