Einfaldur og fljótlegur pastaréttur sem eldaður er í einum potti sem lágmarkar uppvaskið.
Þessi uppskrift uppfyllir kröfur heilkornsmerkisins.
Skolið gulrætur og papriku og hreinsið sveppina. Skerið síðan gulrætur, papriku, sveppi og hvítkál í munnbitastærð. Takið utan af lauk og hvítlauk og saxið smátt. Kreistið umfram vökva úr spínatinu eftir að það hefur þiðnað.
Hitið olíu á stórri pönnu. Steikið lauk og hvítlauk þar til laukurinn er orðinn glær. Bætið gulrótum og papriku út á pönnuna og síðan sveppum og hvítkáli. Steikið í nokkrar mínútur þar til grænmetið hefur mýkst.
Bætið tómatpúrru, söxuðum tómötum og vatni út á pönnuna og hrærið vel. Skolið basilíku og bætið henni ásamt spínati og pastaskrúfum út í. Látið suðuna koma upp og sjóðið án loks í um 15 mínútur eða þar til pastað er orðið soðið. Sjá nánar um suðu á pasta.
Hellið vökvanum af kjúklingabaununum og skolið þær. Bætið þeim út í ásamt smurosti, salti, pipar og chillíflögum. Hrærið saman og látið malla þar til baunirnar eru orðnar heitar í gegn.
Rífið parmesan með rifjárni og berið fram með réttinum.
Einfalt er að breyta þessum pastarétti og nota bara það grænmeti sem til er í kæliskápnum. Einnig er auðvelt að bæta við kryddum og leika sér með bragðið.
Höfundur
Fuldkornspartnerskabet
