Súkkulaðikaka með avókadó og döðlum

Hitið ofninn í 175°C með blæstri. 

Smyrjið kökuform, sem er 26 cm í þvermál, með smá olíu og stráið smá kakói yfir. Leggið til hliðar. Einnig má setja bökunarpappír í staðinn. 

Setjið smá vatn í lítinn pott og hitið að suðu. Setjið hitaþolna skál yfir pottinn án þess að hún snerti vatnið. Bræðið súkkulaðið í skálinni. Hrærið í af og til þar til allt súkkulaðið er bráðnað og leggið skálina síðan til hliðar og leyfið súkkulaðinu að kólna á meðan farið er í næstu skref. 

Ef döðlurnar eru með steinum, opnið þá hverja döðlu með fingrunum og fjarlægið steininn í miðjunni. Takið einn þriðja af avókadóunum, afhýðið og takið steininn úr, sjá nánari upplýsingar um meðhöndlun á avókadó. Setjið döðlurnar og avókadóið í matvinnsluvél eða lítinn hakkara. Bætið þremur fjórðu af olíunni út í og maukið.

Brjótið eggin í skál og bætið þeim út í og maukið vel saman, en þó eins stutt og hægt er.

Setjið möndumjöl, helming af kakóinu og helming af saltinu út í, maukið aðeins.

Hellið síðan brædda súkkulaðinu út í og maukið þar til allt hefur blandast vel saman.

Hellið deiginu í formið. Bakið í miðjum ofni í um 25-30 mínútur.

Látið kökuna kólna áður en kremið er sett á. 

Setjið það sem eftir er af avókadóinu í matvinnsluvél eða blandara ásamt, kakói, salti, einum fjórða af olíunni auk hunangs. Blandið þar til kremið er silkimjúkt og kekkjalaust.

Dreifið kreminu jafnt yfir kökuna þegar kakan hefur kólnað.

Skolið hindberin og setjið þau ofan á kökuna og berið fram.