Súkkulaðihúðaðir ávextir og litlir hnetubitar eru fallegt páskanammi sem hentar vel sem viðbót við páskaeggið.
Setjið hafra og möndlur í matvinnsluvél með hníf og malið gróflega.
Bætið hnetusmjöri og hlynsírópi út í og vinnið áfram þar til myndast þétt og klístruð blanda.
Prófið að móta litla kúlu með tveimur teskeiðum af blöndunni. Ef hún heldur ekki vel saman bætið þá nokkrum dropum af vatni út í og vinnið stutt aftur. Gætið þess að bæta ekki of miklu vatni í einu.
Setjið blönduna í skál og kælið í um 30 mínútur þannig að auðveldara sé að móta eggin.
Mótið um 40 lítil egg með höndunum og leggið á bakka klæddan bökunarpappír.
Brjótið súkkulaðið í bita (100 g ef gerð eru 40 egg) og bræðið yfir vatnsbaði í hitaþolinni skál yfir potti með heitu vatni. Einnig má bræða súkkulaði við vægan hita í skál í örbylgjuofni.
Dýfið hnetueggjunum í súkkulaðið með hjálp gaffals eða pinna. Stráið valmúafræjum yfir og leggið aftur á bökunarpappír til að stífna.
Kælið eða frystið í um 30 mínútur eða þar til súkkulaðið hefur harðnað.
Brjótið súkkulaðið í bita (75 g ef gerð er uppskrift fyrir 40) og bræðið yfir vatnsbaði eins og áður.
Dýfið apríkósunum í brædda súkkulaðið og leggið á bakka með bökunarpappír.
Saxið pistasíuhnetur smátt.
Stráið söxuðum pistasíuhnetum eða öðrum hnetum eða fræjum yfir áður en súkkulaðið stífnar.
Látið standa eða setjið í kæli í stutta stund þar til súkkulaðið hefur harðnað.
Geymið nammið í lokuðu boxi í kæli og takið fram í minni skömmtum yfir hátíðarnar.
Það getur verið skemmtilegt að útbúa þetta páskanammi með börnum. Það hentar líka vel að bræða súkkulaði og dýfa bönunum, kiwi, mangói, jarðarberjum eða öðrum ávöxtum í, kæla í ísskáp eða frysti og bera svo fram sem næringarríkt sparinammi.
Höfundur
Hjärt-Lungfonden
