Lax með fersku og léttu bragði sem kitlar bragðlaukana. Ef eitthvað verður eftir er hann fullkominn kaldur daginn eftir – til dæmis sem álegg á stökku hrökkbrauði.
Sjóðið hrísgrjón samkvæmt leiðbeiningum á pakkningum, oft í um 10-30 mínútur. Sjá nánari leiðbeiningar um eldun á hrisgrjónum.
Stillið ofninn á 200°C.
Setjið laxinn í eldfast mót. Ef hann er með roði má annaðhvort fjarlægja það eða snúa roðinu niður í mótið. Rennið varlega yfir fiskinn með fingrunum til að athuga hvort einhver bein sitji eftir og fjarlægið þau sem finnast með lítilli töng.
Takið hýðið af engiferi og raspið það fínt niður með rifjárni. Skolið chillí og kóríander og saxið fínt. Takið utan að hvítlauk og saxið eða rífið fínt niður.
Blandið engiferi, chillí, kóríander og hvítlauk saman í skál ásamt ólífuolíu. Hrærið vel saman og dreifið síðan jafnt yfir laxinn.
Að lokum saltið og piprið laxinn og bakið í miðjum ofni í 15-20 mínútur, eða þar til hann er eldaður í gegn.
Skolið salatið vel með köldu vatni og þerrið það áður en þið berið það fram með laxinum.
Berið laxinn fram með brúnum hrísgrjónum, fersku salati eða öðru grænmeti. Það getur líka verið gott að kreysta sítrónu eða lime yfir fiskinn.
Höfundur
Hjärt-Lungfonden
