Appelsínur og rósapipar gefa graflaxinum frísklegt og hátíðlegt bragð. Þessi réttur er falleg og ljúffeng viðbót á hátíðarborðið.
Best og öruggast er að frysta laxinn fyrst í tvo sólarhringa og láta hann svo þiðna áður en hann er grafinn. Eftir það er uppskriftin einföld og fljótleg.
Fjarlægið öll bein úr laxinum með lítilli töng eða plokkara.
Frystið ferskt laxaflök í tvo sólahringa. Þýðið laxinn síðan rólega í ísskáp í 8–12 klukkustundir.
Setjið salt og sykur saman í skál.
Skolið appelsínuna vel undir köldu vatni og þurrkið létt. Raspið börkinn af appelsínunni með rifjárni. Bætið berkinum út í salt-sykurblönduna ásamt rósapiparnum. Myljið blönduna létt með fingrunum svo piparinn brotni aðeins.
Setjið kryddblönduna ofan á laxin og nuddið létt yfir allt. Laxinn þarf að vera alveg þiðinn.
Skerið flakið þvert, í tvo bita. Leggið bitana saman, kjötmegin á móti hvorum öðrum, þykkur hluti á að liggja á móti þunnum.
Setjið laxinn í plastpoka og látið hann taka sig í tvo sólarhringa í kæli. Snúið pokanum öðru hvoru.
Þegar laxinn er tilbúinn hellið vökvanum frá og þerrið hann kjötmegin með eldhúspappír.
Skerið laxinn í þunnar sneiðar með beittum hníf, hafið sneiðarnar skáhallandi.
Setjið laxinn á disk og skreytið með appelsínusneiðum og bleikum pipar.
Berið laxinn fram með grófu heilkorna brauði eða rúgbrauði ásamt soðnum eggjum og fersku niðursneiddu grænmeti, jafnvel því grænmeti sem til er í ísskápnum.
Höfundur
Hjärt-Lungfonden
