Grísk langa

Hitið ofninn í 200°C.

Skolið kartöflurnar, skerið þær í teninga og setjið í eldfast mót eða ofnskúffu. Veltið þeim upp úr kaldpressaðri ólífuolíu og kryddið með oreganó og smá salti og pipar.

Setjið kartöflurnar inn í ofn og bakið í 30 til 35 mínútur eða þar til þær eru gylltar að lit. 

Skolið sítrónur og skerið í litlar hálfar sneiðar. Takið utan af hvítlauksrifjum og skerið þau í tvennt. Skolið tómata og skerið í munnstóra bita.

Takið utan af rauðlauk og skerið gróft. Skolið steinselju og saxið gróflega.

Skerið fiskinn í hæfilega stóra bita (eftir smekk) og raðið í eldfast mót. Dreifið sítrónusneiðum, hvítlauk, tómötum, rauðlauk og steinselju jafnt yfir fiskinn.

Bætið að lokum steinlausum ólífum, restinni af olíunni, kryddblöndu og salatosti yfir réttinn. Kryddið með salti og pipar eftir smekk.

Setjið fiskinn í ofn og eldið í um 25 mínútur eða þar til hann er fulleldaður.