Ljúffengur mexíkóskur baunapottur sem er bæði fljótlegur og ódýr. Bragðmikill réttur sem geymist vel!
Ef notaðar eru þurrkaðar nýrnabaunir þá þarf að leggja þær í bleyti í 8 klukkustundir og sjóða í 2 klukkustundir.
Takið utan af lauk og hvítlauk. Skolið papriku og gulrætur. Saxið lauk, hvítlauk, papriku og gulrætur smátt.
Setjið olíu í stóran pott, helst úr keramiki eða járni, og hitið við miðlungsháan hita þar til olían fer örlítið að krauma. Bætið lauk, papriku og gulrótum út í og steikið í 4–5 mínútur.
Bætið síðan hvítlauk út í pottinn og leyfið að malla í um 1 mínútu til viðbótar.
Setjið hakkaða tómata út í pottinn ásamt soði og paprikudufti og látið sjóða við vægan hita í 5 til 10 mínútur.
Bætið við baunum þegar 5 mínútur eru eftir af eldunartímanum. Bragðbætið með chillí, broddkúmendufti, salti og pipar.
Skolið steinselju og saxið smátt. Stráið yfir réttinn rétt áður en hann er borinn fram.
Leikið ykkur með réttinn! Bætið við gulrótum, kúrbít, spínati eða öðru grænmeti sem til er í kæli til að gera hann næringarríkari og kraftmeiri. Fyrir meira prótein bætið þá við kjúklingabaunum.
Berið réttinn fram með brúnum hrísgrjónum, kínóa eða grófkorna brauði. Gott er að strá yfir fersku kóríanderi og kreista yfir límónusafa.
Höfundur
Af bestu lyst
