Mexíkósk súpa

Afhýðið og saxið lauk og hvítlauk. Skrælið sæta kartöflu og skerið í litla bita. Skolið papriku og gulrót og skerið einnig í litla bita. Skolið og fræhreinsið chillípipar og saxið smátt.

Hitið olíuna í rúmgóðum potti og steikið laukinn í nokkrar mínútur við meðalhita.

Bætið hvítlauk, sætu kartöflunni, gulrótum, papriku og chillípipar út í og steikið í góðan tíma eða þar til allt saman er farið að verða mjúkt.

Bætið broddkúmeni, paprikudufti og oreganó út í og steikið stutta stund.

Hellið nú tómötum, vatni og grænmetiskrafti út í og sjóðið súpuna við meðalhita í 30 mínútur.

Hellið safanum af svörtu baununum, skolið þær vel og bætið að lokum út í súpuna.