Frábær sem morgunmatur eða sem einföld og næringarrík kvöldmáltíð.
Skolið epli og skerið í teninga.
Setjið epli í pott (haldið nokkrum bitum eftir til að setja ofan á grautinn í lokin). Bætið haframjöli, vatni, kanil og salti út í pottinn. Hitið við miðlungsháan hita og hrærið reglulega með sleif eða skeið þar til suðan kemur upp.
Þegar suðan er komin upp, slökkvið undir pottinum og hrærið í grautnum í um 1 mínútu eða þar til réttri og þéttri áferð hefur verið náð.
Hakkið möndlurnar gróft.
Setjið grautinn í skálar og dreifið hökkuðum möndlum og nokkrum eplabitum yfir.
Það skemmtilega við hafragraut er að hægt er að leika sér með hann á marga vegu. Til dæmis má bæta út í hann kryddum eins og negul, múskat eða vanillu. Einnig má setja út í hann kókosflögur, hnetur eða fræ, og nota þá mjólk sem hentar best – hvort sem það er léttmjólk, haframjólk, kókosmjólk eða möndlumjólk.
Aðrir möguleikar eru að bæta út í grautinn möndlu- eða hnetusmjöri, döðlum, rúsínum eða ferskum berjum. Sumum finnst líka gott að sletta smá nýmjólk, rjóma eða kókosrjóma yfir grautinn áður en hann er borinn fram.
Höfundur
Gott og einfalt
