Bragðmikill og ferskur kjúklingaréttur með karrí og sætum keim af vínberjum og rúsínum. Heilhveitipasta og grænmeti gera réttinn saðsaman og hollan fyrir alla fjölskylduna.
Afhýðið lauk og saxið smátt. Skerið hvítkál í tvennt, fjarlægið stilk og ystu blöð, og saxið. Takið um fjórðung til hliðar fyrir salatið.
Hitið pönnu með um botnfylli af vatni. Setjið kálið á pönnuna og gufusjóðið undir loki í nokkrar mínútur, látið svo renna af því. Ekki sjóða kálið sem fer í salatið.
Sjóðið pastað eins og tilgreint er á umbúðunum. Að lokinni suðu látið vatn renna af. Sjá nánar um suðu á pasta.
Skolið og skerið vínberin í helminga. Skolið og skerið epli í fernt, fjarlægið kjarnann, og skerðu í þunnar sneiðar.
Skerið kjúklinginn í hæfilega stóra munnbita.
Hitið olíu á pönnu. Bætið karríinu á pönnuna og brúnið í 1-2 mínútur. Bætið lauk og kjúklingi á pönnuna og steikið við góðan hita í um 3 mínútur.
Setjið ríflega helminginn af mjólkinni út á pönnuna. Hristið afganginn af mjólkinni saman við heilhveitið í krukku með loki þar til blandan er kekkjalaus. Bætið blöndunni út á pönnuna og eldið í nokkrar mínútur til viðbótar.
Setjið gufusoðna hvítkálið, vínber og epli út á pönnuna og hitið í gegn. Kryddið til með salti og pipar.
Skolið og skrælið gulrætur og rífið á grófu raspi. Blandið saman í skál gulrótum, rúsínum og hvítkálinu sem var lagt til hliðar í upphafi.
Blandið kjúklingnum í karrísósunni saman við pastað og berið fram með hrásalatinu.
Setja gjarnan má ferskt kóríander yfir réttinn áður en hann er borinn fram. Ef þið þolið ekki mjólkurafurðir er hægt að nota plöntumjólk eins og hafra- eða kókosmjólk í uppskriftina.
Höfundur
Fuldkornspartnerskabet
