Kjúklingasalat með grænmeti og pasta

Forhitið ofninn í 200°C.

Skrælið sæta kartöflu, skerið í helming og sneiðið í litla bita. Setjið á ofnplötu, veltið upp úr helmingnum af olíunni og kryddið með salti og pipar. Bakið við 200°C í 30–40 mínútur.

Notið skurðbretti sem er eingöngu fyrir kjöt og skerið kjúklinginn í litla bita. Þrífið hendur, borð og skurðbretti áður en þið haldið áfram með grænmetið.

Kryddið kjúklinginn með kjúklingakryddi og pipar. Hitið pönnu með restinni af olíunni og steikið kjúklinginn við miðlungsháan hita í 5–7 mínútur, þar til hann er fulleldaður. Setjið í skál og leggið til hliðar.

Sjóðið vatn í potti og bætið við salti. Sjóðið pasta samkvæmt leiðbeiningum á pakka, oft í um 10 til 15 mínútur. Nánar um suðu á pasta.

Skolið klettasalat og tómata. Skerið avókadó í tvennt og takið steininn úr, sjá nánari upplýsingar um meðhöndlun á avókadó. Skerið klettasalat, tómata og avókadó í munbitastærð. Takið utan af rauðlauknum og skerið í þunnar sneiðar. 

Setjið klettasalat, tómata, avókadó, rauðlauk, kjúkling, sætar kartöflur, pasta og hneturnar saman í stóra skál. Blandið varlega saman.

Hellið hreinni jógúrt í skál og hrærið saman með skeið.

Pressið safa úr einni sítrónu. Takið utan af hvítlauk og saxið smátt. Bætið hvoru tveggja út í jógúrtina og hrærið saman.

Bætið salti og pipar við eftir smekk.

Hellið jógúrtdressingu yfir salatið.