Einfaldur, fljótlegur og ljúffengur réttur með mildu bragði sem hentar allri fjölskyldunni.
Ef notaður er frosinn kjúklingur er gott að þíða hann í umbúðum yfir nótt inni í ísskáp eða í umbúðum í köldu vatni ef tími er lítill.
Finnið til skurðbretti sem er eingöngu fyrir kjöt og skerið kjúklinginn í litla bita. Takið skurðbrettið frá og þvoið hendur og borð áður en þið haldið áfram með grænmetið.
Hitið pönnu með olíu við miðlungsháan hita. Steikið kjúklingabitana í 3–4 mínútur á hvorri hlið, þar til þeir eru fulleldaðir. Setjið í skál og leggið til hliðar.
Skolið brokkolí og skerið í hæfilega bita. Setjið smá vatn í pott og hitið að suðu. Setjið gufusigti ofan í pottinn, brokkolí í sigtið og lokið pottinum. Gufusjóðið í 3–4 mínútur. Ef notað er frosið brokkolí, þarf örlítið lengri eldunartíma.
Sjóðið hrísgrjón samkvæmt leiðbeiningum á pakkningum, oft í um 10-30 mínútur. Sjá nánari eldunarleiðbeiningar á hrísgrjónum.
Leystið upp kjúklingakraft í smá heitu vatni í potti, samkvæmt leiðbeiningum á umbúðum. Hellið kraftinum í stærri skál og bætið Hoisinsósu og maíssterkju út í. Hrærið vel saman með skeið eða písk.
Takið utan af hvítlauk og engifer. Saxið hvítlauk og rífið engifer með rifjárni. Steikið í smá olíu á pönnu við miðlungshita í um 1 mínútu. Bætið sósunni út í og hitið að suðu í 30–60 sekúndur. Lækkið hitann og látið malla í 2–3 mínútur, þar til sósan þykknar.
Bætið kjúklingnum og brokkolíblöndunni við sósuna og látið malla í stutta stund. Berið fram með brúnum hrísgrjónum.
Fyrir extra áferð og bragð getur komið vel út að bæta við papriku, lauk eða hverju því grænmeti sem finna má í kælinum. Smá sesamolía eða sesamfræ í lokin gera svo gott betra.
Höfundur
Gott og einfalt
