Indversk baunakássa

Finnið til pott og sjóðið hrísgrjón samkvæmt leiðbeiningum á pakkningum, oft í um 10-30 mínútur. Sjá nánari eldunarleiðbeiningar á hrísgrjónum.

Takið hýðið af lauk og hvítlauk. Saxið laukinn fínt og pressið eða saxið hvítlaukinn. Leggið til hliðar. Skrælið sætu kartöfluna og skerið hana í litla teninga.

Skolið gulrætur og brokkolí og skerið í smáa bita. Skolið spínat en ef notað er frosið spínat, kreistið þá mest af vatni úr því áður en spínatið fer út í réttinn.

Hitið pönnu og setjið olíu á hana. Steikið lauk og hvítlauk í olíunni í 2–3 mínútur.

Bætið næst sætum kartöflum, gulrótum, brokkolíi, spínati og kryddblöndunni út á pönnuna. Steikið áfram í 1–2 mínútur.

Setjið hakkaða tómata, kókosmjólk og hnetusmjör í skál og hrærið saman. Bætið maukinu síðan út á pönnuna og látið malla í um 10 mínútur. 

Skolið appelsínuna og rífið smá af berkinum með fínu rifjárni. Setjið börkinn til hliðar. Kreistið síðan safann úr bæði appelsínunni og sítrónunni.

Hellið vökvanum af kjúklingabaununum og skolið þær vel í sigti undir köldu vatni. Bætið þeim út á pönnuna. Bragðbætið með rifnum appelsínuberki, safanum úr appelsínunni og sítrónusafa.

Bætið grænmetiskrafti og chillí saman við og leyfið að malla í 3-5 mínútur til viðbótar. Bragðbætið eftir smekk t.d. með meiri sítrónusafa, salti og/eða pipar. 

Skolið epli og skerið í strimla eða teninga og setjið í skál. Blandið jógúrti saman við og smakkið til með smá salti og pipar.