Stökkur og bragðgóður kjúklingur með hunangi og sítrónu sem hentar vel bæði hversdags og við hátíðleg tilefni. Frábært að para t.d. með grænu salati með granateplum og osti.
Hitið ofninn í 180°C.
Skerið mesta sýnilega fitu utan af kjúklingalærunum ef þarf.
Setjið hveiti í skál og veltið lærunum upp úr hveitinu þannig að þau þekist.
Hitið smá olíu á pönnu. Steikið kjúklingalærin í 2–3 mínútur á hvorri hlið þar til þau fá fallegan gylltan lit. Kryddið með salti og pipar. Setjið kjúklinginn í eldfast mót.
Kreistið safann úr sítrónu í skál. Afhýðið hvítlauksrif og rífið fínt með rifjárni eða saxið smátt.
Blandið sítrónusafa, hvítlauk og hunangi saman í skál og hellið yfir kjúklinginn.
Eldið kjúklinginn áfram í miðjum ofni í um 20–25 mínútur eða þar til hann er eldaður í gegn. Hellið safanum úr mótinu yfir kjúklinginn 1–2 sinnum á meðan hann er í ofninum.
Ef þið viljið bera kjúklinginn fallega fram, skerið eina sítrónu í þunnar sneiðar. Hitið smá olíu á pönnu og steikið sítrónusneiðarnar stutt þar til þær mýkjast og fá smá lit. Leggið sneiðarnar yfir kjúklinginn. Hægt er að sleppa sítrónusneiðunum eða nota þær ferskar.
Rétturinn er góður með fersku salati, hýðishrísgrjónum eða byggi og jafnvel ofnbökuðu grænmeti.
Höfundur
Hjärt-Lungfonden
