Einfaldur og ódýr borgari sem er tilvalinn á grillið - avókadóið setur svo punktinn yfir i-ið!
Takið utan af rauðlauk og hvítlauk og skerið í grófa bita. Skolið steinselju.
Setjið rauðlauk, hvítlauk, steinselju, haframjöl og salt í matvinnsluvél og maukið þar til blandan fær fíngerða áferð
Hellið vökvanum frá baununum og setjið þær út í blönduna. Maukið aftur þar til hún verður gróf en helst vel saman. Látið blönduna standa í um 30 mínútur svo hún þéttist.
Skiptið blöndunni upp í jafna hluta og mótið borgara með rökum höndum.
Steikið borgarana í olíu á pönnu við meðalhita í um 4 mínútur á hvorri hlið eða þar til þeir verða fallega brúnir. Einnig má grilla borgarana ef vill.
Skolið gúrku, salat og tómata með hreinu vatni. Skerið í hæfilega stóra bita eða sneiðar, eftir smekk.
Takið hýðið utan af lárperunni og fjarlægið steininn. Stappið lárperuna á disk eða í skál með gaffli þar til áferðin er gróf en kremkennd. Sjá nánari upplýsingar um meðhöndlun á avókadó.
Berið baunaborgara fram með grófu hamborgarabrauði, niðurskornu grænmeti og lárperumauki. Gott er að rista brauðið létt áður og raða síðan öllum hráefnunum saman – þannig verður til dásamlegur hamborgari.
Höfundur
Fuldkornspartnerskabet
