Ferskt og kremkennt guacamole. Stappað avókadó, rauðlaukur og ferskir tómatar ásamt kryddum. Hentar vel með taco-réttum, grillmat, salötum eða ofan á ristað danskt rúgbrauð.
Skerið avókadóið í tvennt, fjarlægið steininn og skafið innihaldið út með skeið. Sjá nánari leiðbeiningar um hvernig meðhöndla á avókadó.
Setjið avókadóið í skál og stappið með gaffli þar til það verður mjúkt, það má þó vera örlítið gróft.
Skerið límónu í tvennt og kreistið safann yfir avókadóið.
Afhýðið og saxið rauðlaukinn smátt. Skolið tómat og skerið í litla bita.
Bætið rauðlauk og tómati út í skálina.
Kryddið með salti og pipar og hrærið varlega saman.
Berið fram strax eða geymið í kæli þar til guacamoleið er borið fram.
Gott er að bæta við fersku kóríanderi, chillí eða maís. Einnig má sleppa tómötum fyrir enn einfaldari útgáfu.
Höfundur
Gott og einfalt
