Ljúffeng og fersk ávaxtaskál sem tekur aðeins nokkrar mínútur að útbúa. Fullkomin blanda af sætu og súru bragði, tilvalin sem morgunmatur, millimál, kvöldsnarl eða eftirréttur.
Takið utan af banananum og skerið hann í sneiðar. Takið einnig utan af vatnsmelónu, kíví, appelsínu, mangó og ananas og skerið ávextina í hæfilega stóra bita eða teninga.
Skerið granatepli til helminga og takið kjarnana varlega úr yfir skál með vatni til að forðast að safinn spýtist út um allt. Fjarlægið hvíta himnuna sem situr á milli, hún er beisk á bragðið.
Setjið alla ávextina saman í stóra skál og blandið varlega saman þannig að bitarnir haldist heilir.
Berið ávaxtasalatið fram í skálum og stráið fínsaxaðri myntu yfir ef vill.
Ávaxtaskálar eru sniðugur millibiti eða eftirréttur og góð leið til að nýta þá ávexti sem til eru hverju sinni í girnilega blöndu. Gott er að kreista smá límónu- eða sítrónusafa yfir salatið rétt áður en það er borið fram – það gerir ávextina enn frísklegri.
Höfundur
Gott og einfalt
