Chili sin carne er fullkomið dæmi um bragðgóðan og djúsí grænmetisrétt. Réttur sem þú munt elda aftur og aftur.
Afhýðið lauk og hvítlauk og saxið niður. Skolið og saxið niður papriku og gulrót.
Hitið olíu í potti og steikið lauk, papriku og gulrætur í nokkrar mínútur eða þar til grænmetið fer að mýkjast. Bætið svo hvítlauk út í og steikið í 1 mínútu til viðbótar.
Bætið öllu öðru sem er í uppskriftinni nema baunum og hunangi út í pottinn, blandið vel saman og sjóðið í 30 mínútur.
Skolið baunirnar undir köldu vatni og látið vatnið renna vel af. Bætið baununum saman við réttinn ásamt hunangi og leyfið öllu að malla í nokkrar mínútur eða þar til baunirnar eru orðnar heitar í gegn.
Berið réttinn fram með hýðisgrjónum og ef vill guacamole. Kryddið réttinn eftir smekk með t.d. chilli, broddkúmeni eða reyktu paprikudufti. Það gerir réttinn enn betri að strá smá fersku kóríander yfir og kreista límónu á toppinn.
Höfundur
Gott og einfalt
