Frískandi og næringarríkt salat með ferskum hráefnum og bragðmikilli asískri dressingu.
Setjið olíu, hrísgrjónaedik, hlynsíróp, tamarisósu og chillíduft í krukku eða skál og hristið eða pískið vel saman.
Gerið annað hvort sýrðan rauðlauk samkvæmt uppskrift eða skerið ferskan rauðlauk í mjög þunnar sneiðar og berið fram með salatinu.
Sjóðið edamamebaunir í potti samkvæmt leiðbeiningum á pakkningum.
Skolið gúrku og skerið í litla kubba. Skolið kóríander og saxið smátt.
Skerið avókadó í tvennt, fjarlægið steininn og takið hýðið af. Skerið síðan í litla teninga. Sjá nánari upplýsingar um meðhöndlun á avókadó.
Ristið furuhnetur á miðlungshita á þurri pönnu í nokkrar mínútur, eða þar til þær verða gullinbrúnar og ilmandi.
Blandið öllum hráefnunum saman í stórri skál og hellið dressingunni yfir.
Þetta bragðgóða salat má gera á marga vegu. Til dæmis má bæta við fínsöxuðu hvítkáli eða rauðkáli, ristuðum kjúklingabaunum, söxuðum möndlum eða jafnvel kjúklingi eða ofnbökuðu tofu. Einnig er dásamlegt að setja smá hnetusósu (satay) yfir í lokin.
Höfundur
Jana Steingrímsdóttir
