Fullkominn kostur fyrir hollan morgunmat, millimál eða léttan eftirrétt!
Hitið ofninn í 160°C.
Saxið valhnetur gróft og setjið á ofnplötu ásamt sólblómafræjum og höfrum. Bakið í ofni í um 10 til 15 mínútur þar til allt er gyllt að lit. Hrærið nokkrum sinnum upp í blöndunni svo hún dökkni ekki of mikið.
Takið múslíblönduna úr ofninum og setjið í skál og blandið saman við kanil, hampfræ, chiafræ og trönuber.
Blandið skyri saman við smá vatn í stórri skál ásamt vanillu og hunangi. Hrærið vel saman.
Skerið granatepli í tvennt og takið fræin úr og setjið í skál. Passið að allt hvítt sé tekið burt þar sem það er mjög biturt á bragðið.
Berið skyrið fram ásamt kanilmúslínu og ferskum eða frosnum berjum að eigin vali. Toppið með granateplakjörnum og ferskri myntu.
Einnig má nota tilbúna múslíblöndu eða granóla að eigin vali.
Höfundur
Gott og einfalt
