Baka með spínati og kúrbít

Hitið ofninn í 200˚C.

Setjið jógúrt, olíu (2 msk fyrir eina uppskrift, sem er skammtur fyrir fjóra), rúgmjöl, hveiti og salt í skál eða á borð. Blandið vel saman og hnoðið með höndunum þar til deigið loðir vel saman.

Fletjið deigið út með kökukefli eða höndum á milli tveggja laga af bökunarpappír, þar til það passar í bökuform (um 25 cm að breidd). Smyrjið formið með smá olíu og dreifið deiginu jafnt í formið.

Stingið nokkur göt í deigið með gaffli. Bakið botninn í ofni án fyllingar í um 10 mínútur eða þar til hann er orðinn þurr en ekki farinn að taka lit.

Takið utan af og skerið rauðlaukinn í þunnar sneiðar. Steikið laukinn á pönnu með afganginum af olíunni við vægan hita. Laukurinn á að mýkjast hægt og karmelliserast en ekki brúnast eða steikjast of mikið.

Skolið og skerið kúrbítinn í litla teninga og skolið spínatblöðin. 

Steikið kúrbítinn í um 5 mínútur á pönnu með lauknum. Bætið spínatinu út í í lokin og steikið áfram í 1–2 mínútur eða þar til spínatið er rétt byrjað að mýkjast.

Brjótið egg í skál og bætið kotasælu og mjólk við. Kryddið með smá salti og pipar.

Dreifið fyrst lauknum, kúrbítnum og spínatinu jafnt yfir bökudeigið. Hellið síðan kotasælu- og eggjablöndunni yfir grænmetið.

Bakið bökuna í ofni þar til eggjamassinn er orðinn stífur eða í um 35 mínútur.

Léttristið furuhnetur á pönnu og stráið yfir bökuna áður en hún er borin fram.