Tortilla með kjúkling, eggaldin og maíssalsa

Hitið ofn í 190°C.

Setjið kjúklinginn í eldfast mót og penslið með olíu (notið um 1/2 af olíunni). Saltið, piprið og bætið öðrum kryddum við eftir smekk. Leggið álpappír yfir mótið og bakið í ofninum í um 25 mínútur.

Þegar kjúklingurinn er eldaður í gegn rífið hann í smærri bita með tveimur göfflum. Geymið hann í eldfasta mótinu þar til hann er borinn fram eða hitið fyrir notkun.

Skolið eggaldin og skerið í báta.

Takið utan af og saxið 1/3 af hvítlauknum og blandið saman við 1/3 af olíunni. Penslið eggaldinið með olíunni.

Bakið eggaldinbátana í ofni við 190°C þar til þeir eru orðnir gylltir eða í um 20 mínútur.

Sjóðið maís ef hann er ferskur. Frosinn maís má sjóða eða steikja samkvæmt leiðbeiningum á umbúðum. Ef notaður er maískólfur þá þarf fyrst að sjóða hann í vatni í 10 til 12 mínútur, láta hann svo kólna, og svo skera maískornin af. Setjið maísinn í skál.

Takið utan af rauðlauknum, skerið hann í mjög þunnar sneiðar og blandið saman við maísinn.

Skolið og saxið 1/2 af kóríanderinu niður og kreistið safann úr límónunni og setjið yfir maísinn ásamt chillísósu og smá ólífuolíu. Saltið og piprið salsað eftir smekk.

Skolið og skerið tómatana og paprikuna í litla teninga. Saxið jalapeno smátt. Setjið allt saman í skál. og blandið vel.

Saxið restina af hvítlauknum smátt og bætið í skálina með afgangnum af olíunni og edikinu. Kryddið með salti og pipar ef þarf og blandið öllu vel saman.

Setjið sýrðan rjóma í skál og hrærið saman. Skolið og saxið afganginn af kóríanderinu og blandið saman við.

Hitið tortillakökurnar á heitri pönnu, berið kökurnar fram með kjúklingi, eggaldini, maíssalsa, krydduðu tómatasalsa og sýrða rjómanum.