Ljúffengur og hollur þeytingur með silkimjúkri áferð, ljómandi bláum lit og fersku bragði. Fullkominn til að byrja daginn eða sem millimál.
Ef ekki eru til frosnir bananar, skerið niður banana og setjið í box með loki. Frystið í nokkrar klukkustundir eða yfir nótt. Gott er að nýta banana sem eru komnir á síðasta snúning og eiga þá tilbúna í frysti fyrir þennan þeyting.
Setjið öll hráefnin nema grísku jógúrtina í blandara og maukið þar til blandan verður silkimjúk.
Takið smá af grískri jógúrt með teskeið og smyrjið henni innan á glasið til skrauts.
Hellið bláu blöndunni í glasið og njótið vel.
Óhætt er að skipta út eða helminga bananann og nota í staðinn tofu, mjólk, meiri hafra eða frosna ávexti eða grænmeti. Til dæmis er tilvalið að bæta við frosnum ananas, mangói eða blómkáli fyrir meira bragð og áferð.
Einnig má bæta í þeytinginn næringarríkum hráefnum eins og hampfræjum, hveitikími, próteindufti, chiafræjum, hörfræjum, hnetusmjöri eða kasjúhnetum.
Höfundur
Jana Steingrímsdóttir
