Mjúk sætkartöflumús með stökkum pekanhnetutoppi sem gefur réttinum góða áferð. Einfalt meðlæti sem hentar vel með flestum réttum, bæði spari og hversdags.
Hitið botnfylli af vatni í hæfilega stórum potti.
Flysjið og skerið sætar kartöflur í grófa bita. Passlegt er að skera eina kartöflu í um 6-8 bita.
Setjið kartöflurnar í pottinn, setjið lok yfir og sjóðið í litlu vatni í 10–20 mínútur. Einnig má hafa þær í gufusigti yfir sjóðandi vatni, þá helst bragðið best. Stingið í þær með gaffli undir lok tímans, þegar þær eru mjúkar í gegn eru þær tilbúnar.
Hellið vatninu varlega frá þegar kartöflurnar eru tilbúnar og færið þær yfir í hrærivélaskál eða aðra stóra skál.
Bætið salti, smjöri, rjómaosti, kanil, múskati og pipar í skálina. Maukið saman í hrærivél, með handþeytara, kartöflustappara eða gaffal, allt eftir því hvað þið eigið til.
Hitið ofninn í 200°C.
Finnið til hæfilega stórt eldfast mót og smyrjið það með olíu. Setjið sætkartöflumúsina í mótið.
Saxið pekanhnetur gróft eða hafið þær heilar og raðið jafnt yfir sætkartöflumúsina.
Bakið í ofninum í 10-15 mínútum eða þar til hnetutoppurinn er orðinn aðeins stökkur.
Á hátíðsdögum er hægt að bæta örlitlu hlynsírópi eða hunangi saman við pekanhneturnar áður en þær fara á sætkartöflumúsina. Einnig er hægt að nota valhnetur fyrir hnetutoppinn í staðinn fyrir pekanhneturnar.
Sætkartöflumús passar einstaklega vel með kalkúni, kjúklingi, kjötbollum, lambakjöti, hnetusteik og öllu mögulega öðru. Ferskt salat myndi svo toppað slíka máltíð.
Höfundur
Gott og einfalt
