Fagurrauðbleikur smoothie úr rauðrófum, grænum eplum og kanil.
Rauðrófur eru rík uppspretta trefja, C-vítamíns, fólats, kalíums, járns og magnesíums. Þær innihalda einnig andoxunarefnið betanín, sem gefur þeim þennan fallega lit og bætir næringargildi drykksins.
Til að spara tíma má nota foreldaðar rauðrófur.
Hitið ofninn í 200°C.
Skolið rauðrófur en látið hýðið vera á. Vefjið hverja rauðrófu inn í álpappír og setjið á ofnplötu. Bakið við 200°C í 45–60 mínútur eða þar til þær eru mjúkar og auðvelt er að stinga í þær með gaffli. Látið kólna, takið úr álpappírnum og nuddið hýðið af. Ef þið notið forsoðnar rauðrófur, farið þá beint í næsta skref.
Flysjið epli og skerið í bita. Skerið rauðrófur og banana einnig í bita.
Setjið rauðrófur, epli, banana, hunang, skyr, engifer, vatn og kanil í blandara og maukið þar til áferðin verður silkimjúk og þykktin ákjósanleg. Einnig má nota töfrasprota og mauka í háu mæliglasi eða skál.
Skreytið skálina með því sem ykkur þykir gott, til dæmis möndluflögum, höfrum, sesamfræjum eða ferskum berjum. Á síðunni má finna fleiri hugmyndir að hráefnum fyrir smoothiesskálar sem henta bæði í grunn og sem toppur á skálar eins og þessar.
Til að fá þykkari smoothieskál má bæta við meira af skyri, banana eða rauðrófum.
Höfundur
Gott og einfalt
