Litríkt og gott pastasalat með fersku grænmeti, stökkum furuhnetum og mildri karrýdressingu. Hentar vel sem léttur aðalréttur eða meðlæti.
Sjóðið pastað í potti samkvæmt leiðbeiningum á pakka, oft í um 10-15 mínútur. Nánari leiðbeiningar um suðu á pasta.
Skolið allt grænmeti og hreinsið sveppina. Skerið brokkolí í litlar greinar, papriku í teninga og gulrætur og sveppi í þunnar sneiðar. Skerið spínat í munnbitastærð og kirsuberjatómata í tvennt.
Setjið brokkolíið í skál. Þegar pastað er tilbúið, hellið sjóðandi vatninu af pastanu yfir brokkolíið og látið standa í um 5 mínútur til að mýkjast. Hellið síðan vatninu frá.
Steikið sveppi og gulrætur upp úr olíu á pönnu.
Ristið furuhneturnar á þurri pönnu þar til þær verða gullinbrúnar.
Blandið öllum hráefnunum saman í stóra skál.
Blandið sýrðum rjóma, karrí, salti og pipar saman í skál. Hrærið dressingunni vel saman við pastasalatið áður en þið berið það fram.
Í þessa uppskrift er óhætt að setja það grænmeti sem er í uppáhaldi eða til er í kæli. Einnig er tilvalið að bæta við kjúklingabaunum eða linsubaunum fyrir góða áferð, prótein og trefja.
Höfundur
Fuldkornspartnerskabet
