Lax með fersku salsa – fullkomið fyrir bragðmikinn en einfaldan kvöldmat.
Skrælið engifer, takið utan af hvítlauk, skolið chili og hreinsið vorlauk. Rífið engifer með rifjárni, pressið hvítlaukinn og skerið chili, vorlauk og salatost smátt.
Kreistið safann úr sítrónu. Blandið engifer, hvítlauk, chili, vorlauk, salatosti, sítrónusafa, tamarisósu og kasjúhnetum saman í skál og hrærið vandlega.
Setjið fiskinn í eldfast mót. Hellið marineringunni úr skálinni yfir fiskinn og látið marinerast í ísskáp í 30–60 mínútur (má vera lengur).
Hitið ofninn í 180°C.
Bakið fiskinn í eldföstu móti í 18 mínútur í ofni. Þið getið einnig grillað hann en þá tekur eldunin um 7 mínútur.
Gott er að bera réttinn fram með kartöflum eða sætum kartöflum, og jafnvel ofnbökuðu rósakáli, brokkolíi eða blómkáli.
Höfundur
Jana Steingrímsdóttir
