Mexíkósk skál

Hitið olíu á pönnu. Bætið nautahakki á pönnuna og steikið við meðalháan hita í 5–7 mínútur. Hrærið reglulega og brjótið hakkið upp með spaða svo það verði ekki í klumpum. Kryddið með uppáhalds kryddblöndunni, salti og pipar.

Setjið svartar baunir úr dós í sigti og skolið undir köldu vatni. Látið renna vel af þeim. Bætið þeim út á pönnuna þegar hakkið er steikt í gegn. Steikið í 2-3 mínútur til viðbótar og kryddið eftir smekk.

Takið utan af rauðlauk og avókadó, sjá nánari upplýsingar um meðhöndlun á avókadó. Skolið tómata, salat og kóríander. Skerið rauðlauk, avókadó og tómata í minni bita. Rífið salatið niður og saxið kóríander.

Raðið salatblöðum í botninn á skál. Bætið hakki, baunum, tómötum, rauðlauk og avókadó ofan á.

Berið skálina fram með salsasósu, sýrðum rjóma og fersku kóríander.