Ljúffengt og matarmikið lasagna þar sem bragðgóðir tómatar og kjötsósa með grænmeti mætast - fullkomið fyrir alla fjölskylduna.
Afhýðið laukinn og hreinsið gulræturnar og selleríið. Skerið síðan allt í litla teninga.
Steikið fyrst laukinn í potti upp úr smá olíu í 3 til 5 mínútur við miðlungshita. Notið stóran pott, jafnvel leirpott.
Bætið sellerí og gulrótum út í pottinn og steikið í 3 til 4 mínútur til viðbótar. Hægt er að rífa gulræturnar smátt niður eða sjóða þær fyrst í minni potti og bæta þeim svo út í svo þær eldist vel í gegn.
Steikið nautahakkið á pönnu með smá olíu. Þegar kjötið er eldað í gegn bætið því út í pottinn með grænmetinu.
Bætið tómatpúrru í pottinn, síðan hökkuðum tómötum og vatni. Hrærið vel saman.
Takið utan af hvítlauk og skolið chili og saxið smátt, setjið út í kjötsósuna ásamt lárviðarlaufi, timían og oreganó. Leyfið sósunni að malla í að minnsta kosti 20 mínútur – en hún verður enn bragðmeiri ef hún fær að malla lengi, jafnvel í nokkrar klukkustundir.
Saltið og piprið kjötsósuna til eftir smekk.
Hitið ofninn í 180˚C.
Setið lasagnið saman lagskipt í eldföstu móti með lögum af kjötsósu, lasagnaplötum og kotasælu til skiptis.
Rífið ostinn niður með rifjárni og stráið ofan á lasagnið í lokin ásamt smá oreganó.
Ef tími gefst til látið þá lasagnað standa samsett í 30 mínútur áður en það er bakað (nema notaðar séu ferskar lasagnaplötur) . Bakið lasagnað í um 30 mínútur í ofni eða þar til osturinn er gylltur að lit.
Látið lasagnað gjarnan standa á borði í um 5 til 10 mínútur eftir að það er komið úr ofninum, áður en það er borið fram.
Til að auka trefjamagnið í réttinum má skipta helmingi af kjötinu út fyrir linsubaunir. Bætið þá við ½–1 dl af skoluðum linsubaunum (miðað við uppskrift fyrir tvo) út í kjötsósuna. Einnig má nýta afganga af grænmeti sem til eru í ísskápnum.
Berið lasagnað fram með fersku salati. Lasagna geymist vel í frysti í lokuðu íláti og hentar því vel að elda stærri skammt og eiga til að nota síðar.
Höfundur
Fuldkornspartnerskabet
