Lambakjötssúpa í klúbbinn

Afhýðið og saxið lauk og hvítlauk. Skolið og skerið papriku og gulrætur niður í fremur litla bita.

Hitið olíuna í potti og steikið laukinn þar til hann er gullinn. Bætið hvítlauk, papriku og gulrótum út í og steikið aðeins áfram.

Bætið paprikudufti út í og steikið í smá stund.

Skerið lambakjötið niður í munnbitastærð. Bætið lambakjötsbitunum í pottinn og látið brúnast í smá stund.

Bætið tómötum, vatni, lambakraftsteningi, salti og linsubaunum út í. Hleypið suðunni upp, lækkið síðan hitann og látið súpuna sjóða í 1 klukkutíma.

Skolið og skerið kartöflur í teninga og bætið þeim út í þegar 15 mínútur eru eftir af suðutímanum.

Skolið og saxið steinselju. Þegar súpan er tilbúin er steinseljunni sáldrað ofan á.