Ferskur, fljótlegur og sumarlegur réttur.
Takið utan af lauk og hvítlauk. Saxið smátt.
Hitið olíu á pönnu og mýkið lauk og hvítlauk við miðlungsháan hita þar til hann verður mjúkur og glær eða í um 2-4 mínútur.
Skolið og fræhreinsið papriku og skerið í minni tenginga. Bætið teningunum út á pönnuna ásamt karrí og cayennepipar og hrærið létt saman með sleif eða góðu áhaldi.
Bætið vatni, rjómaosti og ananassafa út á pönnuna. Bragðbætið með salti og látið malla við miðlungsháan hita í 4-5 mínútur.
Takið utan af banana og skerið í skífur. Sigtið ananas eða hellið vökvanum frá. Skerið ananashringi í minni bita ef þeir eru notaðir.
Lækkið hitann aðeins ef blandan fer að sjóða. Bætið ananasbitum, banönum og rækjum út í. Hrærið létt saman og eldið í 2–3 mínútur eða þar til rækjurnar eru heitar í gegn.
Kryddið til eftir smekk. Smá límónusafi getur aukið ferskleikann.
Berið rækjuréttinn fram með brúnum hrísgrjónum, kínóa eða bankabyggi og fersku salati. Skreytið með ferskum kryddjurtum og sítrónu- eða límónubátum sem hægt er að kreista yfir réttinn.
Höfundur
Af bestu lyst
