Íslensk kjötsúpa

Hellið vatni í pott og látið það sjóða.

Setjið kjötið út í og látið suðuna koma upp aftur. 

Fleytið froðunni ofan af með skeið þegar hún myndast á yfirborðinu á meðan kjötið sýður.

Takið hýðið utan af lauknum og skolið gulræturnar. Skerið svo lauk, gulrætur og hvítkál í bita.

Bætið lauk, hvítkáli, gulrótum, súpujurtum, hrísgrjónum út í og sjóðið í 40 mínútur. 

Skrælið gulrófurnar og skolið kartöflurnar. Skerið í bita og bætið út í súpuna. Látið malla í 20 mínútur.

Smakkið til með súpukrafti og nýmöluðum pipar.