Grillaður kjúklingur með kartöflusalati

Þvoið sítrónu og þerrið. Skerið sítrónuna til helminga og geymið annan helminginn til að grilla. Rífið fínt með rifjárni ysta lag af berkinum með rifjárni og setjið í skál. Kreistið síðan safann úr raspaða helmingnum í skálina.

Takið hýðið utan af hvítlauk og rífið eða saxið mjög fínt. Setjið út í skálina.

Bætið sinnepi, hunangi og jógúrti út í og hrærið saman með skeið.

Saxið súru gúrkurnar smátt og bætið út í. Kryddið með salti og pipar og hrærið vel (notið helminginn af piparnum og saltinu, restin fer á kjúklinginn).

Skolið kartöflur og setjið í pott með vatni. Sjóðið samkvæmt leiðbeiningum og látið kólna lítillega. Eftir að þær hafa kólnað má skera stærri kartöflur til helminga eða í minni bita, eftir smekk. 

Takið ysta lagið utan af blaðlauk ef þarf og skolið vel. Skerið í þunnar sneiðar og setjið í skál með kartöflunum.

Hellið dressingunni yfir kartöflur og púrrulauk og blandið varlega.

Skolið aspas og brjótið neðsta, harða hlutann af á hverjum fyrir sig. Setjið aspasiinn í sjóðandi vatn í um 2 mínútur og kælið síðan í köldu vatni. Skerið í bita og setjið ofan á salatið. Það má líka bera aspasinn fram með til hliðar. 

Skolið klettasalat, þerrið og blandið megninu saman við kartöflusalatið. Setjið salatið á fat og bætið restinni af klettasalatinu ofan á.

Hitið grill.

Penslið kjúklinginn með olíu. Kryddið hann síðan með afganginum af saltinu og piparnum.

Grillið kjúklinginn í 3–4 mínútur á hvorri hlið eða þar til hann er eldaður í gegn.

Grillið hinn sítrónuhelminginn með skurðflötinn niður þar til hann fær fallegan lit. Ef þið viljið meira af grillaðri sítrónu má reikna með hálfri sítrónu á mann.

Berið kjúkling fram með kartöflusalatinu og kreistið grillaðan sítrónusafa yfir eftir smekk.