Silkimjúk græn næringarbomba toppuð með ferskum berjum og hökkuðum hnetum.
Takið utan af banana og skerið í fjóra bita. Afhýðið kíwí og skerið í fernt. Skerið avókadó í tvennt og skafið úr það magn sem þarf, sjá nánari upplýsingar um meðhöndlun á avókadó.
Skolið spínat og grænkál vel og látið vatnið renna af.
Setjið banana, kíwí, spínat, grænkál, möndlusmjör, chiafræ, mjólk og rauð ber í blandara. Blandið í nokkrar mínútur þar til blandan verður silkimjúk.
Berið fram í skál og toppið með ferskum eða frosnum berjum og hökkuðum pistasíukjörnum. Ef þið viljið þynnri þeyting má bæta við smá meiri vökva og bera hann fram í glasi.
Til að auka próteinmagn má bæta hreinu skyri við uppskriftina í stað hluta af mjólkinni eða vatninu. Hér eru fleiri hugmyndir af hráefnum sem hægt er að nota bæði í grunninn og til að toppa smoothieskálarnar með.
Gott ráð er að taka banana sem eru komnir á síðasta snúning, skera þá niður og geyma í boxi í frysti. Frosnir bananar eru frábærir í þeytinga og aðrar sætar uppskriftir.
Höfundur
Gott og einfalt
