Ef þú ert í eftirréttastuði er þessi eplakaka frábært val, dásamleg sem eftirréttur og fín leið til að lauma inn smá trefjum.
Forhitið ofninn í 175°C með blæstri.
Skerið smjör í teninga og hrærið það ásamt sykrinum í hrærivél eða með handþeytara þar til allt hefur blandast vel saman. Haldið eftir sykri fyrir kanilblönduna (2 msk ef gerð er 8 skammta grunnuppskrift).
Brjótið eggin í skál og bætið þeim, heilhveiti og hveiti saman við smjör- og sykurblönduna. Hrærið vel með sleif eða gaffli.
Finnið til kökuform og klæðið það með bökunarpappír. Setjið deigið í formið og dreifið því jafnt með skeið þannig að það nái vel út í alla kanta.
Skolið eplin, kjarnhreinsið og skerið í þunnar skífur. Raðið eplaskífunum í hring ofan á bökubotninn.
Blandið saman sykri og kanil í lítilli skál og stráið yfir eplin. Fyrir 8 skammta uppskrift má nota 2 msk af sykri og 1 tsk af kanil.
Bakið eplakökuna í 35–40 mínútur við 175°C eða þar til hún er orðin gyllt og eplin mjúk.
Gott er að bera tertuna fram með sýrðum rjóma eða grískri jógúrt.
Höfundur
Fuldkornspartnerskabet
