Ekta chili frá Texas - bragðmikill kjötréttur með kryddum, nýrnabaunum og tómötum. Hentar vel fyrir fjölskyldumáltíðir og kvöldstundir með vinum – og verður enn betri upphitaður daginn eftir.
Takið utan af lauknum og saxið smátt. Skerið nautakjöt í bita. Notið sitthvort skurðbrettið fyrir kjöt og lauk og þrífið hnífinn með sápu og heitu vatni á milli.
Hitið olíu í potti. Mýkið laukinn og bætið nautakjötinu út í og brúnið.
Hellið kjötkrafti, tómatpúrru, tómötum, negulnöglum, lárviðarlaufum, chili og oreganó út í pottinn. Sjóðið við meðalháan hita í 30–40 mínútur eða þar til kjötið er meyrt.
Hellið vökvanum af baununum í sigti og skolið með köldu vatni. Bætið baununum út í pottinn. Látið malla í 2–3 mínútur en passið að suðan komi ekki upp.
Kryddið í lokin með salti og pipar eftir smekk.
Hægt er að nota nautahakk í stað nautakjötsbitana. Einnig er hægt að prófa sig áfram með baunir og setja svartar baunir, kjúklingabaunir eða rauðar linsubaunir. Gerið réttinn næringarríkari og bragðmeiri með því að bæta við grænmeti eins og papriku, sveppum eða sætri kartöflu. Kryddið gjarnan til með reyktu paprikudufti, broddkúmeni eða hnífsoddi af kanil, kakódufti eða chili-flögum.
Berið réttinn fram með smá hreinni jógúrt og kolvetnum eins og brúnum hrísgrjónum, byggi eða grófu brauði.
Höfundur
Af bestu lyst
