Ferskt og gott salat sem hentar vel bæði hversdags og á hátíðarborð.
Skolið tómata og basilíku og þerrið vel.
Skerið tómata í 5–8 mm sneiðar. Ef notaðir eru kirsuberjatómatar má skera þá í helminga.
Hellið leginum af mozzarellaperlum. Ef notuð er stór mozzarellakúla má sneiða hana í jafnar sneiðar á stærð við tómatana.
Finnið til stóran disk og raðið tómötunum og mozzarella til skiptis á diskinn. Gott er að hafa 2 tómata á móti 1 mozzarella svo útlit og bragð verði í jafnvægi.
Dreifið ferskri basilíku jafnt yfir salatið. Heil basilíkublöð koma fallega út en einnig má saxa blöðin gróft.
Dreypið ólífuolíu jafnt yfir og kryddið að lokum með flögusalti, nýmöluðum pipar og herbs de provenve kryddblöndu.
Ef þurrkuð basilíka er notuð má dreifa henni yfir í lokin með saltinu og piparinum. Til að gera salatið enn hátíðlegra má dreypa örlitlu balsamíkediki yfir rétt fyrir framreiðslu eða jafnvel nokkrum ristuðum furuhnetum til að fá meiri fyllingu og smá crunch.
Höfundur
Gott og einfalt
